Unha mirada franca e divertida sobre o amor, a intimidade e a identidade no século XXI.

Dez días despois de cancelar a súa voda, CJ Hauser embarcouse nunha expedición a Texas para estudar a grulla trompeteira. Tras unha semana chapoteando nas marismas do golfo, comprendiu que estivera a piques de asinar un contrato para vivir a vida doutra persoa.

Que pasaría se decidísemos liberarnos da idea tradicional de felicidade e nos abríramos ao inesperado? Hauser serveuse da súa propia experiencia para explorar as relacións sentimentais, os fracasos amorosos, a intimidade e a identidade no século XXI. Disecciona a personalidade dos protagonistas de Expediente X mentres tenta entender que é o amor, rememora as súas peores citas de Tinder, chatea con descoñecidos que conversan como robots e analiza a Katharine Hepburn en Historias de Filadelfia para aprender a non perderse nunha relación.

Divertido, inclasificable e brutalmente sincero, este libro trata de como modelamos a nosa vida sentimental e a nosa comprensión dos demais a través dos relatos; unha lectura para aqueles que aprenden a atopar a ledicia no non saber e intentan, aínda que ás veces fracasen, construír particulares formas de vida, familia e fogar.

«Sincero, divertido e cativador... Unha invitación a redefinir que é unha historia de amor.» The Observer

«Un libro emocionante e universal. Unha fonte de pracer e inspiración para calquera que se preguntase algunha vez: como cheguei ata aquí e que pasa agora?» The New York Times Book Review

«Advertencia: enviarás por WhatsApp ducias de citas deste libro aos teus amigos.» The Independent

«Unha elegante obra mestra. Irónico á vez que cálido e xeneroso.» Roxane Gay

«Intelixente e conmovedor, pon o acento na complicada relación que todos temos co amor.» Annabel Gutterman (Time)

«Como sucede coas mellores cancións de amor, como mellor se coñece o amor é cos desenganos. (...) Hauser fala do amor de verdade, o que aporta, o que cremos que temos que sacrificar e o que aprendemos. E faino nun momento no que a sociedade o necesita máis que nunca (...) acerta co enfoque porque convértense nun intercambio dinámico no que o lector é capaz de identificar o mundo no que vive nas letras plasmadas. Iso é La novia grulla. Un libro necesario.» Zenda Libros

«CJ Hauser (que naceu arredor de 1985 nos Estados Unidos) emprende, a partir da súa biografía, un exhaustivo análise do ser e o deber ser da identidade e do amor. (...) Reflexións sobre a súa evolución persoal e amorosa, cheas de agudeza e sentimentos, pero tamén de referencias históricas, literarias e cinematográficas.» Carmen de Pascual (La Lectura / El Mundo)

«La novia grulla’ non é o tipo de libro que aparece nas listas do mellor do ano, pero debería ocupar algún tipo de primeiro lugar.» Laura Fernández (El Periódico)