James Sveck, o narrador desta novela, é un adolescente intelixente e precoz, rematou o instituto e durante o verán traballa na galería de arte que a súa nai ten en Manhattan e na que case nunca entra ninguén. A pesar de ter sido admitido na prestixiosa Universidade de Brown, non está seguro de querer ir; o que de verdade lle gustaría é mercar unha casa no campo e pasar o día lendo, sen ser molestado; detesta relacionarse con xente da súa idade, á que evita e coa que pensa que non ten nada en común.

A narración de James ofrécenos unha mirada sarcástica e divertida sobre a súa confusa vida, sobre como a súa desestruturada familia e o seu psiquiatra tratan en balde de axudalo, ou sobre como intenta, torpemente, aclararse e saír do seu illamento. Considerada pola crítica estadounidense como unha das mellores novelas publicadas nos últimos anos sobre Nova York, Algún día este dolor te será útil é unha aguda e emotiva novela sobre un mozo capaz de cuestionarse a si mesmo, á súa familia e ao tempo que lle tocou vivir.

«Perspicacia á hora de dotar de empaque ao seu narrador e a sutil maneira como moldea as escenas que protagoniza. O lector acaba identificándose con James e dese xeito aprende algo útil acerca da dor da mocidade.» José Luis de Juan (Babelia)

«Cabe celebrar a lucidez desta novelita tan pouco habitual na narrativa escrita para o público xuvenil (moi recomendable para os lectores adultos) (…) E así é tanto pola sinxeleza do seu idioma, como pola fluidez do argumento así como polos seus excelentes personaxes e diálogos.» Carina Farreras (La Vanguardia)

«Cameron conseguiu un Holden Caulfield moi verosímil e moi do seu tempo. (…) Unha novela fermosa e viva sobre o que supón a confusión vital do noso tempo.» Xesús Fraga (La Voz de Galicia)

«Unha estupenda lectura que conmueve e inquieta, porque latexa daquelas emocións incertezas que acompañan o rito de paso á idade adulta.» Iñigo Urrutia (El Diario Vasco)

«Unha pequena gran novela, divertida, conmovedora, que –confésoo desde xa– devorei nun só día.» Antonio Fontana (ABC)

«Algún día este dolor te será útil está escrito coa nosa sangue, pertence a todos nós. Peter Cameron construíu os alicerces nos que poder sosteñer aquel medo, aquela soidade que aínda nos fai estremecer. Un libro necesario, incontestable, de lectura obrigada. A mellor reflexión sobre os atentados do 11-S e posiblemente do 11-M que se escribiu ata a data. Quizais sexa o momento de celebrar, como diría a deliciosa Nanette, que aínda seguimos vivos.» Pedro González (Librería Hipérbole, Ibiza)

«Cameron debuxa un admirable fresco dun mundo, o noso, incapaz de interesarse por si mesmo, que persegue só cousas fútiles e banais. E faino cunha prosa densa, case poética, con diálogos perfectos e un personaxe inesquecible. Un libro fermosísimo do título á última páxina.» Valeria Parrella

«James Sveck é un personaxe de brillante enxeño cuxo eco seguiremos escoitando unha vez finalizada a historia.» The Chicago Tribune

«O libro encaixa e á vez rompe con un gran número de moldes literarios: novela de formación, novela de Nova York e novela do 11-S. Desde a primeira frase, engancharavos o seu precoz e divertido-triste narrador.» The Boston Globe

«É o seu mellor traballo –é sensacional, desgarrador e divertido. Esta novela demostra ter todas as virtudes.» The New York Times Book Review

«Un dos mellores libros de Nova York de todos os tempos, unha xoia maliciosamente divertida.» LA Weekly

«Deliciosamente vital desde a primeira páxina (…) Algún día este dolor te será útil é unha peza de virtuosismo oral e posiblemente o mellor libro de Cameron (…) Non se trata só dunha novela de formación, é sorprendentemente a novela máis sutil de todas as escritas sobre o 11 de setembro. É tan sutilmente hábil que un non se decata do seu verdadeiro tema ata transcorridos tres cuartos da novela, e logo a súa mención (…) ergue a ansiedade e dá ao libro unha resplandecente luz.» Lorrie Moore (The New York Review of Books)

«"Algún día este dolor te será útil" é estupenda. Digoo eu, e dino Lorrie Moore, e Jonathan Ames. (…) O enxeño co que Sveck describe as súas experiencias e o pequeno mundo que o rodea lles debuxará un sorriso permanente, faralles rir e ata soltar gargalladas descontroladas. Unha comedia melancólica realmente divertida, firme candidata a libro do ano.» Philipp Engel (Go Mag)